
402རྟ་མགྲིན་གྱི་བསྟོད་པ།
47-6-1
༄༅། །རྟ་མགྲིན་གྱི་བསྟོད་པ།
༄༅། །རྟ་མགྲིན་གྱི་བསྟོད་པ།ཧྲཱིཿཆོས་སྐུ་སྐྱེ་མེད་ལོངས་སྐུ་རྟ་མཆོག་དཔལ། །སྣ་ཚོགས་སྐུ་སྤྲུལ་རྩ་གསུམ་ལྷ་ཡི་ཚོགས། །ཕྱི་ནང་གསང་གསུམ་ཀུན་བཟང་མཆོད་པའི་སྤྲིན། །སྨན་རག་རྒྱ་མཚོར་སྐྱིལ་ཞིང་གཏོར་མའི་རི། །ཚོགས་འཁོར་ཛ་གད་སྦྱོར་སྒྲོལ་ཨརྒྷཾ་སྦྲེང་། །དབང་ཆེན་མེ་ཏོག་བསུར་ཆེན་བདུག་སྤོས་འཁྲིགས། །ཚིལ་ཆེན་མར་མེ་ཁྲག་ཞག་དྲི་ཡི་ཆབ། །ཤ་རུས་ཞལ་ཟས་རྐང་གླིང་ཐོད་པའི་རྫས། །རྩ་གསུམ་ལྷ་ཚོགས་ཐུགས་དམ་གཉན་སྐོངས་ནས། །བར་ཆད་ཀུན་སེལ་མཐུན་རྐྱེན་ཡིད་བཞིན་སྒྲུབས། །རྟ་མཆོག་འབྲོང་གཡག་བ་དང་ར་ལུག་བྱ། །ཁྱི་སྤྱང་དོམ་དྲེད་གནམ་ས་བར་སྣང་གང་། །སྲོག་ཆགས་ཇི་སྙེད་རྟག་རྒྱུན་དུས་གཏོར་མཆོད། །མདའ་མདུང་ལ་སོགས་མཚོན་ཆ་མཐའ་ཀླས་པ། །དཔལ་གྱི་ཆས་བརྒྱད་དུར་ཁྲོད་ཆས་དགུ་སོགས། །རྟེན་བསྐང་མདོས་རིགས་དྲེགས་པར་རང་བཞིན་དུ། །
47-6-2
འདུ་རྫས་བླ་རྡོར་སྲོད་འཁོར་ཕྱི་ནང་གསང་། །བསྟན་པའི་དམ་རྫས་མ་ཚད་མེད་བཤགས་པས། །རྩ་གསུམ་ལྷ་ཚོགས་ཐུགས་དམ་གཉན་སྐོངས་ནས། །བར་ཆད་ཀུན་སོལ་མཐུན་རྐྱེན་ཡིད་བཞིན་སྒྲུབས། །ཅེས་པ་འདི་༸སྐྱབས་མགོན་ཚངས་དབྱངས་རྒྱ་མཚོས་མཛད་པའོ།། །།

目录
རྟ་མགྲིན་གྱི་བསྟོད་པ།